خذ قلبي لجروحك ولا يجي قلبك جروح
يسلم قلبك اللي بكل ما فيني فديته
وشلون ما شيل همومك وانت للروح روح
لو ينشرى فرحك بعمري لجلك شريته
لو ينشغل بالك احس كل مافيني ينوح
تصغر الدنيا بعيوني وكل فرحي نسيته
اشكي ما بك خل قلبك لقلبي يبوح
ذبحني سطر من الالم بعيونك قريته
عطني احزانك ببني لها بصدري صروح
خلها من اسى الماضي اللي بحبي طويته
اضحك حبيبي بسمتك لي غايه وطموح
كن نور هالدنيا من صدى ضحكك خذيته
تبسم للامل خل عطره بجوك يفوح
ترى بعيوني غرامك امل عمري بديته
انت بناظري قمه ويبقى غيرك سفوح
لا عدمت نظر عيني دامك بطيفك ضويته
خذ قلبي خذ كل ما فيني ولا تجيك جروح
انا ادري كثر ما عطيتك حقك ما وفيته
موضوع: خذ قلبي لجروحكولا يجي لقلبك جروح 
الثلاثاء سبتمبر 30, 2008 5:58 am
